Amerika dhe BE-ja demantojnë serbët për ndryshimin e formatit të dialogut

0
Ndaje:

Shefi i BE-së dhe ambasadori amerikan në Beograd, kanë demantuar raportimet e mediave serbe të cilat kohëve të fundit shkruanin se do të ketë ndryshime në formatin e dialogut.

I pari që reagoi ishte Kyle Scott, ambasador i Amerikës në Serbi.

Scott theksoi se Bashkimi Evropian duhet ta vazhdojë udhëheqjen e dialogut, kurse marrëveshja finale është diçka që i takon Prishtinës dhe Beogradit.

“BE-ja po e udhëheq dialogun dhe jemi të kënaqur me formatin, mendoj se duhet të vazhdojë kështu”, tha Scott.

Edhe shefi i BE-së në Beograd, Sam Fabrici deklaroi se deri më tani nuk ka ndonjë kërkesë për ndryshimin e formatit të dialogut.

Ai tha se dialogu do ta vazhdojë nën udhëheqjen e Bashkimit Evropian.

“Dialogu është në ndërmjetësim nga BE-ja dhe nuk ka kërkesë për ta ndryshuar formatin. Ne do të vazhdojmë të jemi pjesëmarrës në bisedime”, tha ai.

Mediat serbe gjithashtu dje raportuan për mundësinë e një konference ndërkombëtare për zgjidhjen Kosovë-Serbi.

Madje ata e cilësuan si “Rambuje e dytë”, ku fuqitë e mëdha do të ndihmonin për arritjen e një marrëveshje./Express

SQARIM: Dritarja.info mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit për mirëkuptim!