Franca dhe Anlgia ia ‘ngrehin veshin’ Izraelit, i reagojnë ashpër për vrasjen e palestinezëve

0
Ndaje:

Këshilli i Sigurimit i Kombeve të Bashkuara mban sot (të martën) një takim urgjent për të diskutuar mbi situatën në Gazë, pas një dite me dhunën më vdekjeprurëse mes Izraelit dhe palestinezëve në 5 vitet e fundit. Presidenti francez, Emmanuel Macron dhe kryeministrja britanike, Theresa May kanë shprehur shqetësim për vrasjen e dhjetëra palestinezëve nga ushtria e Izraelit.

Koordinatori i posaçëm i OKB-së për Procesin e Paqes në Lindjen e Mesme, Nickolay Mladenov, pritet ta informojë Këshillin nga Jeruzalemi.

Kuvajti ka hartuar një deklaratë, ku shprehet “zemërim i thellë dhe dëshpërim” për vrasjen e dhjetra palestinezëve nga trupat izraelite, ndërsa bëhet thirrje për një hetim të pavarur. Diplomatë në Kombet e Bashkuara thanë se SHBA, aleate të Izraelit dhe njëri prej 5 vendeve anëtare të Këshillit me të drejtë vetoje, e bllokuan deklaratën.

Presidenti francez Emmanuel Macron e dënoi dhunën në Gazë, ku ushtarët izraelitë vranë mbi 50 civilë palestinezë në përleshjet e zhvilluara në kufi.
Përmes një deklarate, zyra e zotit Macron tha se të martën ai ka në plan të flasë me kryeministrin izraelit Benjamin Netanyahu.
Shumë vende aleate me Shtetet e Bashkuara, sikurse edhe vende armike, po shprehin kritika ndaj vendimit të Uashingtonit për hapjen e ambasadës amerikane të hënën në Jeruzalem, duke thënë se ky veprim ka për të rritur tensionet në Lindjen e Mesme, transmeton express.
Edhe kryeministrja britanike Theresa May nuk ishte dakord me hapjen e ambasadës amerikane në Jeruzalem, para se të arrihej një marrëveshje përfundimtare paqeje në Lindjen e Mesme.
Ministri u Jashtëm rus Sergey Lavrov përsëriti kundërshtimin e Moskës për hapjen e ambasadës amerikane në Jeruzalem.
Një numër i madh udhëheqësish të vendeve arabe e dënuan këtë veprim: kryeministri libanez Saad Hariri e cilësoi atë një vperim “provokues”, ndërsa Ministri i Jashtëm iranian Mohammad Javad Zarif tha se e hëna ushte “një ditë turpi”.
Qeveria turke tha se do ta thërriste ambasadorin e vet në Shtetet e Bashkuara, “për konsultime” lidhur me veprimin e hapjes së ambasadës./Express

SQARIM: Dritarja.info mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit për mirëkuptim!