Vriten tetë roje të sigurisë pranë bazës amerikane në Afganistan

Ndaje:

Tetë roje afgane të sigurisë janë vrarë në provicën Parvan të Afganistanit.

“Rojet e bazës ajrore Bagram kanë humbur jetën pasi makina e tyre është sulmuar nga persona të armatosur”, tha zëdhënësi i qarkut Bagram, Abdul Shokoor Qudosi.

Sipas tij, sulmi ka ndodhur rreth një kilometër larg bazës.

Përgjegjësinë nuk e ka marrë ende askush.

Baza ajrore Bagram është baza më e madhe ushtarake e SHBA-së në Afganistan dhe është shpesh cak për sulme.

Në nëntor të vitit të kaluar, një sulm vetëvrasës brenda bazës ka lënë të vrarë dy ushtarë amerikanë dhe dy kontraktorë të tjerë./KI

SQARIM: Dritarja.info mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit për mirëkuptim!